Қытайдың экономикалық өміршеңдігі мен әлеуеті әлемдік экономикаға сенімділік пен күш-қуат әкелуді жалғастырады

2 ақпан, онлайн «Халық Газеті» -- 1 ақпандағы кезекті баспасөз мәслихатында Қытай экономикасы туралы сұрақтарға жауап бере отырып, Сыртқы істер министрлігінің баспасөз хатшысы Мао Нин биыл Қытайдың экономикалық өміршеңдігі мен әлеуеті толық ашылатынын және бұл әлемдік экономикаға сенімділік пен күш-қуат беруді жалғастыратынын айтты.

Тілші былай деп сұрады: Біріккен Ұлттар Ұйымы «Әлемдік экономикалық жағдай және 2023 жылға арналған перспективалар» атты баяндама жариялағанда, әлемдік экономиканың өсу қарқыны 2023 жылы 1,9% - ға дейін төмендеген жағдайда Қытайдың экономикалық өсу қарқыны 4,8% - ға жетеді деп болжады. Ал жақында Халықаралық Валюта Қоры жариялаған «Әлемдік экономиканың болашағы туралы есеп» Қытайдың экономикалық өсу болжамын биыл 5,2% - ға дейін көтерді. Баспасөз қызметінің өкілі бұған қандай түсініктеме береді?».

«Мен тиісті есептерге назар аудардым. Сонымен қатар жақында Morgan Stanley, Goldman Sachs, HSBC және JP Morgan Chase сияқты көптеген халықаралық инвестициялық институттар 2023 жылғы Қытайдың экономикалық өсу болжамдарын ұлғайтқанын байқадым»,- деді Мао Нин.

Баспасөз хатшысының айтуынша, 2023 жылғы Дүниежүзілік экономикалық форумның жыл сайынғы сессиясы кезінде қатысушылар жалпы Қытайдың індеттің алдын алу және бақылау саясатын оңтайландыруы жаһандық рецессияның ықтималдығын айтарлықтай төмендетеді, Қытайдың ашықтығы жаһандық экономикалық өсуге ықпал етеді деп санады. ДСҰ-ның Бас директоры Ивила Қытай әлемдік экономикалық өсудің қозғалтқышы екенін айтты.

«Біз Қытайдың экономикалық даму перспективаларына сенеміз. Биыл Қытайдың экономикалық өміршеңдігі мен әлеуеті толық ашылады және бұл әлемдік экономикаға сенімділік пен күш-жігер беруді жалғастырады», - деді Мао Нин.