- Барлық ақпарат
Қаңтар-қараша айларында Қазақстанның ЖІӨ өсімі 4,9 пайызды құрады
Тұрақты экономикалық өсуді кемінде 6% деңгейінде қамтамасыз ету – ҚР Үкіметінің басты міндеті.
ҚР Премьер-Министрі Әлихан Смайыловтың төрағалығымен өткен Үкімет отырысында биылғы қаңтар-қараша айларында Қазақстанның әлеуметтік-экономикалық даму қорытындылары мен республикалық бюджеттің атқарылуы қаралды, деп хабарлайды ҚР Үкіметінің баспасөз қызметі.
Ұлттық экономика министрі Әлібек Қуантыров есепті кезеңде Қазақстан экономикасының өсу қарқыны 4,9%-ға жеткенін баяндады.
Алдын ала жасалған қорытындыларға сәйкес қаңтар-қазан айларында сыртқы сауда айналымы 2,6%-ға өсіп, $114 млрд-тан асты. Экспорт шамамен $65 млрд деңгейінде тұр, бұл ретте өңделген тауарлар экспорты шамамен $21 млрд-қа жуықтады, тауарлар импорты $49 млрд-тан асты. Жалпы Қазақстан республиканың оң сауда балансы $15 млрд-тан асады.
people.cn © People's Daily Online