Қытай ғалымдары ми-компьютер интерфейсінің сымсыз минималды инвазивті сынағын сәтті өткізді

26 ақпан, онлайн «Халық Газеті» -- Жақында Қытайдың Астаналық Медицина университеті қарамағындағы Бейжің Тяньтань ауруханасы нейрохирургия бөлімінің профессоры Цзя Ванның командасы Цинхуа университетінің профессоры Хун Бо командасымен бірге минималды инвазивті ми-компьютерлік интерфейс технологиясын оңтайлы қолданды. Яғни жоғары деңгейлі параплегиялық науқасқа алғаш рет ақыл-ойды басқару курсорының қозғалысын жүзеге асыруға сәтті көмектесті. Бұл Қытайдың ми-компьютер интерфейстер саласының жаңа жетістіктерге жеткенін білдіреді.

Науқас - 35 жастағы ер адам. Осыдан бес жыл бұрын жол-көлік оқиғасы салдарынан мойын омыртқасы жоғары параплегиясына ұшырап, өзіне күтім жасау қабілетінен мүлде айырылған. Өткен жылдың 19 желтоқсанында Цзя Ванның командасы пациентке инвазивті сымсыз ми-компьютер интерфейсін имплантациялау операциясын сәтті жасады. Сондай-ақ ми қабығының сыртындағы сенсомоторлы ми аймағынан жүйке сигналдарын өз деңгейінде жинады. Науқас операциядан кейінгі 10-ыншы күні ауруханадан шықты.

Цзя Ван екі айға жуық оңалту жаттығуларынан кейін науқас ақыл-ой әрекеті арқылы пневматикалық қолғапты су бөтелкесін ұстауға қолданып, сонымен қатар компьютер экранындағы курсордың қозғалысын да басқара алатынын айтты.