ҚР Көлік министрлігінің басшысы Үрімжі әуежайына барды

Қытай Халық Республикасына жұмыс сапары аясында ҚР Көлік министрлігінің басшысы, Астана және Алматы қалалары әуежайларының өкілдері Үрімжі Дивопу халықаралық әуежайына барды, деп хабарлайды BAQ.KZ.

Сапар барысында қонақтарға Қытайдың шекаралас аймағының әуе айлағын дамыту бағдарламасы таныстырылды.

Сондай-ақ ҚР Көлік министрі ҚХР Шыңжаң Ұйғыр автономиялық регионы әуежайларының жедел басқару орталығына барды.

Сапар қорытындысы бойынша тараптар арасында жолаушылар мен жүк тасымалдарын дамыту жөнінде уағдаластыққа қол жеткізілді.