«2024 Қытайдағы Қазақстан туризм жылының» ашылу салтанаты

3 сәуір, онлайн «Халық Газеті» -- 28-30 наурыз күндері Бейжіңде «2024 Қытайдағы Қазақстан туризм жылының» ашылуына байланысты бірқатар іс-шаралар өтті.

Атап айтар болсақ, 28-наурызда қазақ мәдениетін және Қазақстанның әр өңірінің өзіндік ерекшелігін айқындайтын түрлі көрмелер ұйымдастырылды. Ұлттық үлгідегі киім, қазақтың дәстүрлі тағамдары, қоленер мәдениеті, ұлттық өнімдер келушілерді таңғалдырумен болды. 

29 наурыз күні кешке «2024 Қытайдағы Қазақстан туризм жылының» ашылу салтанаты өтті.

Биылғы туристік жылдың ашылу салтанатында Қазақстанның Абай атындағы қазақ мемлекеттік академиялық опера және балет театры мен Ұлытау тобы сияқты танымал қазақстандық өнер майталмандары бірлесіп өнер көрсетті. Концертте Қытай мен Қазақстанның халық әндері, қазақтың халық билері, музыкасы, хоры және т.б. орындалды. Бағдарламалар Қытай мен Қазақстанның ұлттық музыкасының ерекшеліктерін біріктіріп, Қытай мен Қазақстанның мәдени алмасуын әр қырынан көрсетті.

Туризм жылы ішінде Қытай мен Қазақстан жыл бойына бірқатар қызықты іс-шараны, концерттік қойылымдар мен туристік форумдарды өткізеді.