«ҚазТрансОйл» жыл басынан бері Қытайға 2,5 млн тонна Ресей мұнайын жөнелтті

«ҚазТрансОйл»  АҚ үш айда 2,507 млн тонна Ресей мұнайын Қытайға айдады, деп хабарлады Sputnik.

«2024 жылдың I тоқсанында «ҚазТрансОйл» АҚ 2 млн 507 мың тонна Ресей мұнайын «Атасу-Алашанькоу» магистральдық мұнай құбыры арқылы Қытай Халық Республикасына транзиттеді», - деп жазылған хабарламада.

«ҚазТрансОйл» компаниясының баспасөз қызметі 2023 жылы Ресей мұнайының Қазақстан Республикасының аумағы арқылы Қытай Халық Республикасына транзитінің көлемі 9 млн 989 мың тонна болғанын еске салды.

2014-2023 жылдары «ҚазТрансОйл» АҚ Қазақстан Республикасының аумағы арқылы Қытай Халық Республикасына 91 млн тонна Ресей мұнайын жеткізді.