Қытай әлемге 12 ядролық зерттеу нысанын ашады

19 қыркүйек, онлайн «Халық Газеті» -- Қытай жаһандық ынтымақтастықты нығайту үшін әлемнің әр түкпіріндегі ғалымдар мен ұйымдарға өзінің 12 ядролық зерттеу нысаны мен сынақ полигонын ашады. Бұл туралы Қытайдың Ұлттық Атом энергиясы агенттігі директорының орынбасары Лю Цзин дүйсенбіде Венада өткен Атом энергиясы жөніндегі Халықаралық агенттіктің 68-інші бас конференциясында мәлімдеді.

Лю Цзин өз сөзінде Қытайдың Атом энергиясы жөніндегі Халықаралық Агенттікке кіруінің 40 жылдығына орай ашылған жобаларға 12 ядролық ғылыми-зерттеу нысаны мен эксперименттік платформалар, оның ішінде Қытайдың озық зерттеу реакторы кіретінін айтты. Жобалар негізгі ядролық ғылыми зерттеулерді, материалдар мен компоненттерді радиациялық сынауды, ядролық синтезді эксперименттік зерттеуді және басқа да көптеген салаларды қамтиды.