Еліміз 2026 жылдың соңына дейін ұлттық деректер стандарты жүйесін құрмақ

10 қазан, онлайн «Халық Газеті» -- Ұлттық даму және реформалар жөніндегі комитет және басқа да орындар «Ұлттық деректер стандарты жүйесін құру жөніндегі нұсқаулықтарды» шығарды. 2026 жылдың соңына қарай негізінен деректер байланысы мен кәдеге жарату инфрақұрылымына, деректерді басқаруға, деректер қызметтеріне, деректер ресурстарына баға белгілеуге және т.б. бағытталған ұлттық деректер стандарттар жүйесі құрылады. Деректер саласындағы 30-дан астам негізгі жалпы ұлттық стандарт қайта қаралады.

Нұсқаулықта көрсетілген мақсаттарға сәйкес, 2026 жылдың соңына қарай еліміз стандартты қолданудың бірқатар демонстрациялық жағдайларын қалыптастырады, стандартты тексеру және қолданбалы қызмет көрсету платформасын құрады. Деректерді басқару мүмкіндіктерін бағалау, деректерді бағалау, деректерге қызмет көрсету мүмкіндіктерін бағалау және жалпыға қолжетімді деректерге рұқсат беру операцияларының тиімділігін бағалау мүмкіндіктері бар үшінші тарап стандарттау қызмет көрсету органдарын дайындап шығады.