Қытай АҚШ-тың фентанил мәселесін Қытайға қысым жасау үшін сылтау ретінде пайдалануына үзілді-кесілді қарсы

5 наурыз, онлайн «Халық Газеті» -- 4 наурыз күні Қытай Мемлекеттік кеңесінің Ақпараттық кеңсесі «Қытайдағы фентанил заттарын бақылау» атты ақ кітабын шығарды. Қытай Сыртқы істер министрлігінің өкілі журналистердің Қытай шығарған ақ кітап туралы сұрақтарына жауап берген кезінде Қытай АҚШ-тың фентанил мәселесін Қытайға қысым жасау, қорқыту және бопсалау үшін сылтау ретінде пайдалануына үзілді-кесілді қарсы екенін айтты.

Баспасөз хатшысының айтуынша, Қытай тарапы шығарған ақ кітап Қытайдың фентанил заттарын басқарудағы ауқымды жұмысы мен инновациялық тәжірибесі туралы беделді түсініктеме береді. Қытай әрқашан, бұрынғыдай, есірткіге қарсы халықаралық міндеттемелерін адал орындайды, есірткіге қарсы халықаралық істерге терең араласады, есірткі мәселесін жаһандық бірлесіп басқаруға жан-жақты ықпал етеді және фентанил мәселесінің жаңа сынақтарын шешу үшін дүние жүзіндегі елдермен ынтымақтасуға бар күшін салады. Қол жеткізген нәтижелері де жұртқа аян.

Баспасөз хатшысы Америка Құрама Штаттары фентанил мәселелері бойынша көптеген қауесет таратқанын атап көрсетті. АҚШ тарапы Қытайға жала жабу, жауапкершілікті таңу, жауапкершіліктен қашу, әдейі фентанилді сылтау етіп, АҚШ-қа экспортталатын Қытай тауарларына тарифтер енгізді. Бұл ақылға қонымсыз және басқаларды зияндап қана қоймай, өзін де арандатады.