600 мыңнан аса Қазақстандық демалысын Өзбекстанда өткізді

Биыл қаңтар-сәуір айлары аралығында Өзбекстанға 3,1 миллионнан астам шетелдік турист келді, бұл өткен жылдың сәйкес кезіңімен салыстырғанда 46,4%-ға көп, деп хабарлайды Kazinform агенттігінің меншікті тілшісі.

Өзбекстанның Ұлттық статистика комитетінің өкілдері мәлім еткендей, елге саяхаттап келген шетелдіктердің көбі — Қырғызстан (942,2 мың адам) мен Тәжікстан (793,9 мың адам) азаматтары.

Бұл ретте үштікті Қазақстан түйіндейді. Биыл қаңтар-сәуір аралығында 617 мыңнан аса қазақстандық демалысын Өзбекстанда өткізген.

Туристердің көбі Ташкент, Самарқанд, Бұхара және Хиуа қалаларының көрікті жерлеріне саяхаттаған.