Жасанды интеллект чиптерімен айналысатын компаниялар Қытайдың ЖИ саласындағы үздік 50 компаниясының көшін бастады

22 қаңтар, онлайн «Халық Газеті» -- 2026 жылы 19 қаңтар күні Hurun зерттеу институты «2025 жылғы Hurun Қытайдың ең үздік 50 жасанды интеллект кәсіпорындарының» тізімін жариялады. Жасанды интеллект чип компаниялары ең үздік ондықтағы 7 орынды иеленді.

Есепте көрсетілгендей, ең үздік үш компания – Cambricon Technologies, Moore Threads және Metax Technology – барлығы жасанды интеллект чиптерімен байланысты кәсіпорындар, ал тізімге жаңадан қосылған 18 компанияның 10-ы жасанды интеллект чиптері бизнесімен айналысады.

Hurun Group төрағасы және бас зерттеушісі Руперт Хугеверф（Rupert Hoogewerf）негізгі себеп – АҚШ-тың жоғары сапалы жасанды интеллект чиптеріне экспорттық бақылауды күшейтуі, бұл Қытайды есептеу қуатын тәуелсіз зерттеу мен әзірлеуді жеделдетуге мәжбүрледі деп атап көрсетті.

2025 жылы Қытайдың жасанды интеллект саласындағы орны айтарлықтай нығайды. Үшінші тарап жасанды интеллект моделін агрегациялау платформасы OpenRouter 100 триллион token-нің пайдалану деректерін тіркеді. Нәтижелер 2024 жылдың соңында Қытайдың ашық бастапқы кодты модельдер нарығындағы үлесі ең төмен болғанда 1,2% болғанын, бірақ кейіннен айтарлықтай өсіп, жоғары болғанда шамамен 30%-ға жеткенін көрсетеді.

Тізімге сондай-ақ жасанды интеллект препараттарын әзірлеу, автоматты жүргізу технологиясы және кәспорындардың шешім қабылдау сияқты жаңадан пайда болған жасанды интеллект қолдану салаларындағы компаниялар кіреді. Бұл Қытайда жасанды интеллект технологиясының жылдам енгізіліп жатқанын көрсетеді.

Есепке сәйкес, тізімге енгізілген жасанды интеллект компаниялары тұтынушылық электроника және жаңа энергетикалық көліктер сияқты қытайлық салаларға жаһандық бәсекеге қабілеттілікті арттыруға көмектесетін «мүмкіндік беретін» компанияларға айналып келе жатыр.

Өңірлік бөлініс бойынша, Бейжің 19 тізімге енгізілген компаниямен көш бастап тұр, одан кейін Шанхай (14) және Шэньчжэнь (6) өкшелеп келеді. Қытайдағы бірінші деңгейлі қалалар тізімдегі компаниялардың 80%-дан астамын құрайды. Бұл жасанды интеллект индустриясының шоғырлану үрдісі әсерін көрсетеді.