Ван И: Қытай мен АҚШ өзара құрметті сақтап, бейбіт қатар өмір сүрудің негізгі қағидаттарына берік болуы керек

8 наурыз, онлайн «Халық Газеті» -- Қытай Сыртқы істер министрі Ван И бүгін Мемлекеттік XIV Халық құрылтайының төртінші сессиясының сыртқы істер бойынша өткен баспасөз мәслихатында Қытай мен АҚШ ірі державалар екенін және екеуі де бір-бірін өзгерте алмайтынын, бірақ өзара қарым-қатынас тәсілін өзгерте алатынын мәлімдеді. Бұл өзара құрметті сақтап, бейбіт қатар өмір сүрудің негізгі қағидаларын ұстанып, тең ұтысқа жететін ынтымақтастық болашағына ұмтылу екенін айтты.

Ван И екі мемлекет басшыларының жоғары деңгейде жақсы байланыс сақтап, Қытай мен АҚШ қарым-қатынасын жақсарту мен дамыту үшін маңызды стратегиялық кепілдіктер беріп, екі ел қарым-қатынасының құлдырау мен өрлеуді бастан кешіріп, жалпы тұрақтылықты жүзеге асыруын ілгерілеткенін атап өтті.

Ол биылғы жыл Қытай мен АҚШ қарым-қатынасы үшін «үлкен жыл» екенін және жоғары деңгейдегі алмасулардың күн тәртібі қазірдің өзінде талқыланып жатқанын айтты. Қазір екі тараптың да мұқият дайындық жүргізуі, қолайлы орта жасауы, бар тәуекелдерді басқаруы және қажетсіз араласуды жоюы қажет.

Фото: Синьхуа