Ауыл тұрғындарына жетекшілік етіп, жергілікті индустрияны дамыту арқылы табысты арттырған ауыл басшылары

11 наурыз, онлайн «Халық Газеті» -- Қытайда жыл сайынғы «Екі сессияға» мыңдаған халық өкілдері мен кеңес мүшелері қатысады. Олардың ішінде кейбір делегаттар өздерінің ерекше жұмыс әдістері мен қосқан үлестері арқылы өзгеше лақап аттарға ие болды, мысалы «Күнжіт хатшы», «Қызанақ хатшы» және «Дәрігер хатшы». Бұл - қарапайым халықтың ауыл басшыларына деген ыстық ықыласының көрінісі, олар халықтың сенімі мен мойындауын білдіретін «бедел белгісі» іспеттес.

«Бұрама нан хатшы»

Чжан Юнтао - Хэнань өлкесінің Миньцюань ауданына қарасты Ванцяо қалашығы Махуачжуан ауылдық ҚКП комитетінің хатшысы. Бұл ауыл өзінің дәстүрлі тағамы – «бұрама нанымен» танымал. Чжан Юнтао ауыл тұрғындарын күнжіт индустриясын қарқынды дамытуға жетекшілік етті. Ол интернетте сату арналарын белсенді түрде кеңейтіп, тікелей эфирде сату әдісін қолданып жергілікті өнімдерді насихаттады. Бұл шара тек сату нарығын ашып қана қоймай, ауыл тұрғындарының табысын нақты арттырды.

«Қызанақ хатшы»

Чэнь Баочао - Хэнань өлкесінің Ланькао ауданына қарасты Саньичжай ауылы Байюньшань қыстағы ҚКП комитетінің хатшысы. Халық оны «қызанақ хатшы» деп атайды, себебі ол үздіксіз оқу, зерттеу және тәжірибелер арқылы бұрын құнарсыз сортаң топырақта дәмі керемет қызанақ өсіруді жүзеге асырды.

Алғашында ол өзі 10 жылыжайды алып, қызанақ өсірумен айналысты. Нәтижесі айқын көрінген соң, ауыл тұрғындары да кезек-кезек қосылып, жылыжайлар саны 38-ден тез арада 165-ке дейін өсті. Өсірілген қызанақтың дәмі жақсы болғандықтан, нарықта сұраныс ұсыныстан асып түсті.

«Дәрігер хатшы»

Чэнь Гочан - Хэнань өлкесінің Тайкан ауданына қарасты Гаосянь ауылы Ванчжуан әкімшілік қыстағы ҚКП комитетінің хатшысы. Қыстақтың партия хатшысы болмас бұрын, Чэнь Гочан отыз жыл бойы ауыл дәрігері болып жұмыс істеген. Ұзақ уақыт дәрігерлік қызмет атқарғандықтан, ол ауылдағы әр үйдің жағдайын жете білетін және ауылдағы қарт адамдардың күтімсіз қалу қиындығын көзімен көрген.

Бастапқыда ол емханасының бірнеше бөлмесін босатып, ауылдағы жалғыз баласынан айырылған қарттар мен қараусыз қарттарды тегін емдеп, күнделікті тұрмысына көмектесіп, тіпті олардың жерін де игеріп берді.

Қамқорлыққа алынған қарттар саны артқан сайын, экономикалық жүктеме де ауырлай түсті. Жұмысты жалғастыру үшін Чэнь Гочан мал бағып, 6 миллион юань тапты. Осы ақшаға ол қарттар үйінің ғимаратын салып, оны үкіметке тарту етіп, көбірек қарттарға қамқорлық жасауға мүмкіндік алды.

2021 жылы ол тағы да 24 миллион юань жұмсап, жалғызбасты қарттарға арналған күтім ғимаратын салды.