Қытай мен Орталық Азия жастары Жібек жолы мұрасын бірлесе қорғайды

15 шілде, онлайн «Халық Газеті» -- 14 шілдеде Ганьсу өлкесінің Дуньхуан қаласында Жібек жолы ескерткіштерін қорғау технологиясы бойынша жоғары білікті мамандарды бірлесіп даярлау үлгілік курсы ашылды. Қытай, Қырғызстан, Өзбекстан және тағы басқа бес елден келген 25 жас ғалым осы жерде 40 күн бойы мәдени мұраларды қорғау бойынша білім алады.

Курс тыңдаушылары Қытай мен Орталық Азия елдерінің 19 жоғары оқу орнынан, ғылыми-зерттеу мекемелері мен мұражай ұйымдарынан келген, археология, тарих, мәдени мұраларды қорғау, сәулет ескерткіштерін қалпына келтіру, қазба орындарын басқару сияқты мамандықтарды қамтиды.

Ганьсу өлкелік мәдени мұра басқармасы басшысының орынбасары Чэнь Юйчжу Ганьсу мен Орталық Азия елдерінің ескерткіш түрлері, климаттық жағдайлары және зақымдану механизмдері жағынан ұқсастықтары бар екенін айтты. Дуньхуан ғылыми-зерттеу институтының топырақ қазба орындарын қорғау саласында озық тәжірибесі бар. Бұл Орталық Азия елдерінің мәдени мұраларды қорғаудағы қажеттіліктерін тиімді ұштастыра алады.

2014 жылы Қытай, Қазақстан және Қырғызстан бірлесіп ұсынған «Жібек жолы: Чанъань – Тянь-Шань дәлізінің жол желісі» ЮНЕСКО-ның Дүниежүзілік мұра тізіміне енгізілді.

2025 жылы Қытай-Қырғызстан мәдени мұраларды қорғау «Бір белдеу, бір жол» бірлескен зертханасын Ғылым және технология министрлігі бекітіп, Қытай мен Орталық Азия елдері арасында мәдени мұраларды қорғау саласындағы халықаралық ынтымақтастықтың маңызды алаңына айналды.