Сямынь қаласының Юньдан көлінде құстардың түрі молайып келеді

23 қаңтар, онлайн «Халық Газеті» -- Жақында Сямын тұрғындары Юньдан көлінің жағасындағы саябақта бір ерекше әдемі құсты байқады. Оның бұтақта қонақтап жан-жағына еркелей қарағаны немесе қанатын жайып су бетінде қалқығаны, оның күн сәулесіне шағылысқан ашық көк қауырсындары көзге аса әдемі көрінеді. Анықтай келе бұл құстың аты «Ақтөс көкқанат» екені белгілі болды. Ұлттық екінші деңгейдегі қорғалатын жануар түріне жатады.

Сямынь құстарды бақылау қауымдастығының вице-президенті Чэнь Хао «ақтөс көкқанаттың» негізінен балықтармен, шаяндармен, моллюскалармен және су жәндіктерімен қоректенетінін айтты. Бұл Сямыньдағы жергілікті құс саналады. Аралдың іші-сыртындағы көптеген саябақтар мен сулы-батпақты жерлерде кең таралған.

Юньдан көлі - Сямындағы жалғыз жасанды ішкі көл. Соңғы жылдары Юньдан көлінің экологиялық жағдайының үнемі жақсаруы құстарды мол азық-түлік ресурстарымен және жайлы мекендеу ортасымен қамтамасыз етті. Бұл құстардың көп түрлерін Сямыньда «қоныстануға» тартты.