Қытай жүк таситын ғарыш спейс шаттлының инженерлік дамуын бастады

12 қараша, онлайн «Халық Газеті» -- Қытайдың Авиация өнеркәсібі корпорациясы бас менеджерінің орынбасары Чжан Цзичао 11 қарашада еліміздің дербес жобаланған және әзірленген жүк ғарыш спейс шаттлі «Хаолун» жобасының аяқталып, инженерлік әзірлемелерді жүргізіп жатқанын, бірінші ғарыш станциясының жүк тасымалдау миссиясын жүзеге асыруға мүмкіндігінше тезірек ұмтылатынын айтты.

Чжухай әуе көрмесінде тілшілер «Хаолун» жүк тасымалдайтын ғарыш спейс шаттлының масштабты үлгісін көрді. Оның нақты ұзындығы 10 метр, ені 8 метр, жалпы салмағы қазіргі Тяньчжоу жүк кемесінің жартысынан аспайды.

Чжан Цзичао «Хаолун» жүк таситын ғарыш спейс шаттлы  еліміздің ғарыш стансасымен кездесіп, түйісе алатынын, ешбір қысымсыз өз бетінше қайта алатынын және қайта пайдалану мүмкіндігіне ие екенін, оның Қытайдың ғарыш стансасына жүк тасымалдау құнын айтарлықтай төмендететінін жеткізді.

«Хаолун» жүк таситын ғарыш спейс шаттлының бас конструкторы Фан Юаньпэн оның ғарыш аспабы мен ұшақтың ерекшеліктерін ескере отырып, зымыран тасығыш арқылы орбитаға шығып, ұшақ сияқты әуежайдың ұшу-қону жолағына қонатынын айтты.